2009-08-08 20:55 - საგამოძიებო ჟურნალისტიკა პირველ არხზე, ანუ ვინ დაარღვევს პირობას ?

სსმ-ს გენერალური დირექტორის არჩევნებთან დაკავშირებით ვნებათაღელვა არ ცხრება. მეორე ტურში გასულ სამთა დებატებს მაუწყებლის ხელმძღვანელობის კრიტიკოსთა ჯგუფი გამოეხმაურა. როგორც მათ დავით პაიჭაძემ უწოდა - ლიბერალურ ღირებულებათა აღმსარებლებმა პოზიციის დაფიქსირება გვთხოვეს. გუშინ კიდევ ერთი თემა გააქტიურდა - აღდგება თუ არა პირველ არხზე ჟურნალისტური გამოძიება. რას პასუხობს გია ჭანტურიას ბრალდებას ბესო კურტანიძე, რა პრეტენზია აქვს გიორგი კაჭარავასთან და ბორდთან ნინია კაკაბაძეს და რას გულისხმობს შორენა შავერდაშვილი, როცა ამბობს, რომ გენერალური დირექტორობის ერთ-ერთი კანდიდატი საზოგადოების ყველა ფენის ინტერესს არ გამოხატავს? ნახეთ დიანა ტრაპაიძის სიუჟეტი.