2009-08-08 15:48 - სავალუტო ფონდი ქართული ეკონომიკის შესახებ

რადიო „კომერსანტის" ცნობით, საერთაშორისო სავალუტო ფონდის აღმასრულებელი საბჭოს სხდომის დასრულების შემდეგ საბჭოს ერთ-ერთმა ხელმძღვანელმა მურილიო პორტუგალმა ქართული ეკონომიკის მდგომარეობა შეაფასა: "მიუხედავად გამოცოცხლების ნიშნებისა, კრიზისის გავლენა მომავალ წელსაც იქნება. ამის მიზეზი კი მსოფლიო ეკონომიკაში არსებული მოულოდნელობებისა და საბანკო სექტორსა და კერძო კაპიტალის შემოდინებასთან დაკავშირებით არსებული პრობლემებია" - აღნიშნა ფონდის წარმომადგენელმა. ფონდის შეფასებით, საქართველოს მთავრობის მონეტარული პოლიტიკის ინსტრუმენტები მაღალი დოლარიზაციის გამო შეზღუდულია. თუმცა, მათივე თქმით, ხელისუფლება ცდილობს მოაწესრიგოს მონეტარული პოლიტიკა. ფონდის შეფასებითვე, ქართულმა საბანკო სექტორმა არსებულ დაძაბულობას აქამდე გაუძლო, მაგრამ საკრედიტო პორტფელების ხარისხის და მომგებიანობის გაუარესების რისკების არსებობა დაწვრილებითი მონიტორინგის წარმოებას ითხოვს.