2009-08-10 23:02 - რა დაიბარა ბრაიზამ

“დღეს ძალიან სამწუხარო დღეა ჩემთვის, რადგან ვმართავ ბოლო პრესკონფერენციას თბილისში, ქალაქში, რომელიც ასე მიყვარს, რომელიც ჩემთვის ასე ახლობელია და სადაც ამდენი მეგობარი მყავს”, - განაცხადა მეთიუ ბრაიზამ ჟურნალისტებთან შეხვედრისას. სასტუმრო “თბილისი მარიოტში” მან სახელმწიფო მდივნის მრჩევლის რანგში ბოლო პრესკონფერენცია გამართა. უკვე ყოფილმა მრჩეველმა ევრაზიის საკითხებში, საერთაშორისო ასპარეზზე საქართველოს მიერ მიღწეულ წარმატებებზე, აგვისტოს ომის შედეგებზე, საქართველო-ამერიკის, ასევე საქართველო-რუსეთის ურთიერთობებზე, ოპოზიციის ლიდერების მიერ მისი მისამართით გამოთქმულ ბრალდებებზე და ქვეყანაში მიმდინარე შიდაპოლიტიკურ პროცესებზე ისაუბრა.