2009-08-22 14:00 - “ბათუმელების” საბაჟო თავგადასავალი

საქართველოს ფინანსთა სამინისტროს გადაწყვეტილებას გაზეთი "ბათუმელები" ასაჩივრებს. გაზეთის წარმომადგენლები ჟურნალისტური გამოძიების ჩასატარებლად თურქეთის საზღვარზე გადავიდნენ. საბაჟოს თანამშრომლებმა მოგვიანებით ჟურნალისტებს პასპორტები წაართვეს და სამართალდარღვევის ოქმები გააფორმეს. ორთავეს ათას-ათას ლარიანი ჯარიმის გადახდა დაეკისრა. "ბათუმელები" ამ დოკუმენტის ბათილად ცნობას მოითხოვს. მათ უფლებებს სასამართლოში "საქართველოს ახალგაზრდა იურისტთა ასოციაცია" იცავს. შემოსავლების სამსახურმა ამ თემაზე კომენტარი არ გააკეთა.