2009-08-23 13:50 - პიკური სეზონი

რადიო „კომერსანტის" ცნობით, წლევანდელ სეზონზე აჭარაში დამსვენებელთა რეკორდულად დიდ რაოდენობაზე ბათუმში მოქმედი სასტუმრო „ბელისიმოს" ადმინისტრაციაში საუბრობენ. მენეჯმენტის ინფორმაციით, სასტუმროში შეკვეთების მიღება შეწყდა, რადგან ნომრები 10 სექტემბრამდე დაჯავშნულია. დამსვენებელთა რაოდენობის სიმრავლეს ადასტურებენ ბათუმის კერძო სე ქტორშიც და აცხადებენ, რომ ამ რაოდენობის ტურისტი აჭარაში ბოლო ორი სეზონი არ ყოფილა. რაც შეეხება ფასებს, სასტუმრო „ბელისიმოში" მომსახურება 10%-იანი ფასდაკლების გათვალისწინებით 70 ლარიდან იწყება, ხოლო კერძო სექტორში 10 ლარიდან.