2009-08-25 19:38 - პრეზიდენტი 100–მდე პატიმარს შეიწყალებს

მარიამობის დღესასწაულთან დაკავშირებით, პატიმართა შეწყალება იგეგმება. პრეზიდენტის სასახლეში შეკრებილმა შეწყალების სახელმწიფო კომისიამ შესაწყალებელ პატიმართა საქმეები განიხილა. წარდგენილი 256 პატიმრიდან, პრეზიდენტი, სავარაუდოდ, 100 - მდე პატიმარს შეიწყალებს. როგორც კომისიის წევრებმა განაცხადეს, რეკომენდაციები არ გაიცემა იმ პატიმართა მიმართ, რომელნიც მძიმე დანაშაულისათვის იხდიან მსჯავრს. როგორც მარიკა ვერულაშვილმა აღნიშნა, კომისია პრიორიტეტებს ქალებსა და არასრულწლოვნებზე გააკეთებს.