2009-08-26 13:12 - გარდაიცვალა სენატორი კენედი

ამერიკის შეერთებულ შტატებში 77–ი წლის ასაკში სენატორი ედუარდ კენედი გარდაიცვალა. სენატორის გარდაცვალების შესახებ ინფორმაციას მისი ოჯახი ავრცელებს. გარდაცვალების ოფიციალური მიზეზი ჯერ–ჯერობით უცნობია, თუმცა კენედი 2003 წლიდან თავის ტვინის სიმსივნით იყო დაავადებული. 2009 წლის 20 იანვარს კი, პრეზიდენტ ბარაკ ობამას ინაუგურაციის დროს მან გონება დაკარგა. 20 აგვისტოს მასაჩუსეტსის შტატში მისი შემცვლელის დანიშვნა მოითხოვა, რაც დემოკრატებს მისცემდა საშუალებას, არ დაეკარგათ ხმა კონგრესის უმაღლეს პალატაში. ედუარდ კენედი, ამერიკის პრეზიდენტის, ჯონ კენედის ერთადერთი ცოცხალი ძმა, სენატის რვაგზის არჩეული წევრი იყო და ითვლებოდა დემოკრატიული პარტიის ერთ–ერთ ყველაზე გავლენიან წარმომადგენლად. პირველად სენატში ის 1962 წელს აირჩიეს. ის იყო მრავალი ამერიკული თუ უცხოური ჯილდოს მფლობელი. 2009 წლის 12 აგვისტოს კი ედუარდ კენედი ამერიკის უმაღლესი პრემიით, პრეზიდენტის თავისუფლების მედლით დააჯილდოვეს.